مديري ياللي مطلع(ن) عيني

[عبدالله بن محمد]

هالقصيدة على طلب شخص كاتب لي في تعليقات التقييم وانا حبيت اشاركه وما ارده حتى لو انه كان يمزح والدعوة مزح لا يروح بالكم جد ..

طبعاً القصيدة عن المعاناه مع المدارء بالعمل ..

..

اقول .. مديري ياللي من حبه الحال تقطع ..
وغدا العقل من حال كرفه مخبول ..

من كثر كلامك الصوت منك طرطع ..
يوم ربعي يشوفونك يقولو جانا الغول ..

كربنت ابو حالي وبديت منك انتع ..
مكينة جمس ماسقوها زيت سقوها فول ..

ياخي تكفى قم شوي مثلي وبالمشي تمتع ..
بسبتك بديت امشي بالمكتب من غير نعول .. << اكرمكم الله

تدري يوم تنادي ترا اسمعك لكن اقول ما اسمع ..
ليتني اغير ملامح وجهك الزعول ..

ياخي ابتسم اضحك وش يمنع ..
لا تحسسني ان مركبين على فمك قفول ..

ياخي جالس(ن) في كرسي مكتبك ومتربع ..
وانا من كثر ما كرفت ابو اهلي صابني خمول ..

تكفى نظراتك الناريه اللي منها ابليس يرتع ..
غيرها شوي ولعيونك ازفك بطبول ..

وقبل لا انهي القصيد و أودع ..
تكفى عطني لوجع راسي حبه بندول ..

تكفون المدير لا يدري عن السالفه ..

[شمس المدينة]

الرزق يابومحمد يبيله تخضع
للذى يسوى ومايسوي
واحمد الله الذي له اليد ترفع
واكيدإنه يعطي وعنك يدفع
وادعى عليه ترى تقوى
وصلاة الليل ترى تنفع

وتمنياتي لك بمدير احسن واطيب ........

[عبدالله بن محمد]

اخوي شمس يعطيك العافيه على حضورك ..
..
يا صاحبي جبيني لغير الله ما يخضع ..
حالي أعنف من الموج للذي يسوى ومايسوى ..
حامد الله ودايم بوصله ما اقطع ..
والنفس يا صاحبي لغير الله ما تهوى ..
يا دافع البلى وبسم الذي للبلى يدفع ..
علموني ان كلام الناس ما منه رجوى ..

[هيفونه]

تدري يوم تنادي ترا اسمعك لكن اقول ما اسمع ..
ليتني اغير ملامح وجهك الزعول ..

هههههههه حلووه..

تكفى نظراتك الناريه اللي منها ابليس يرتع ..
غيرها شوي ولعيونك ازفك بطبول ..

اذا غيرها الحجاز حيزفو معاك..


بصراحه قصيده حلوه والاحلى الومناسبه الي قيلت فيها..
عجبني السجال الي ساير بينك وبين شمس..

الله يعطيكم العافيه..
حضور مميز..
موفقين ي رب..


..محبتكم..
..هيفونه..

[عبدالله بن محمد]

يعطيكي العافيه هيفونه على حضورك وصدقيني لو ان الله كتب لي ويوم طلعت بأمسية راح اقولها من باب وناسه ..

تحياتي ..

[عبدالعزيز العتيبي]

صح لسانك وتسلم يمينك اخوي عبدالله