أسبوع شاعر!!

[نديمة الشوق]

فدوتك شعري


الشعِر مـوجٍ عتـيٍّ والتجـارب مالهـا اعـداد



............والقصايد غبة بحور مااحد يوصل مداها


والسفينـة مالهـا الا قايـد للبـحـر معـتـاد



.............. قايد وربان بحر خبرته جلجل صداها


ذاك ابوي القرم شيـخ الطيبيـن ونـد الانـداد



.....هو سبب رحلة نجاحي .. نور دنياي وضياهـا


ذاك ابوي اللي له الطولات تشهـد لـه والامجـاد



..... و الخلايق تقصده لازاد فـي الدنيـا غثاهـا


عون من جا مستجيـر وفزعـة اللـي جـاه وراد



...ونفسـه لكـل الخلايـق زايـد والله وفاهـا


ذاك ابوي وعزوتي ..ذخري ولـي عـز ومسنـاد



...ونفسي احسدها عليه اليـوم يـوم الله عطاهـا


ذاك ابوي اللي بعطفه ضمني فـي قـرب وابعـاد



.....ودي احضنه امتنان حيثـه لنفسـي هناهـا


ذاك ابوي اللي ترفع عن تفاهـات وعـن احقـاد



.....شامخ جلد صبور في عنـا الدنيـا وبلاهـا


رجل وكفـو وصيتـه عـم كـل ديـار وبـلاد



....وبالذكاء نفسه تسامت ياجعـل ربـي يحماهـا


ذاك ابوي اللي معيشنـي مابيـن افـراح واعيـاد



...واصعب اللحظات عنده لاكسا بنتـه شقاهـا


ذاك ابوي اللي غمرنـي حـب وعطـف وتـوداد



...له يديـن حانيـة ياجعلنـي ماافقـد عطاهـا


العطا في وسـط كفـه لويشـح الوقـت يـزداد



...ونفسه اللـي للمعالـي دايـم تسبـق خطاهـا


ذاك ابوي اللي أفاخر به مابيـن جمـوع وافـراد



...وماحد بيلوم بنـت يـوم تفخـر فـي ذراهـا


اشهد انـه بالعطـا ضـاري ومفطـور ومعتـاد



....ونفسه الذربة على الطولات موثـوق عراهـا


العطوف ابو اليتامـى والضعـوف وكـل وفّـاد



....مايجيه احد ويرحـل كـود حاجاتـه قضاهـا


الكريم ابن المكارم والكـرم مـن ورث الاجـداد



....هامتـه لـولا الصـلاة وطاعـة الله ماثناهـا


والله انه صادق افعال وصمـول ووافـي اوعـاد



...والمجالس والنشامـا تفتخـر بـه يـوم جاهـا


يايبـه اغليـك والله والغـلا لـك دوم يـزداد



...انت لي موئل وموطن والهوا وارضـي وسماهـا


يايبـه والله احبـك حـب لاماهـوب معـتـاد



......والحيا نفسي منعهـا لاتبيـن لـك غلاهـا


الرذايـل مااعرفهـا والزمـن ياابـوي جــلاد



.....ومنك أخذت أنا الصفات اللي لي المولى رضاها


والله انـي للتوافـه لويطـول العمـر ماانـقـاد



.....وهامتك ماتنتطمـن يانظـر عينـي وماهـا


شاعرة وأكتـب وحولـي مستغيضيـن وحسـاد



.....وغايتي هي رضاك عني ودعوتك (ربي يحماها)


يايبه بعض العـواذل لارمونـي بحقـد وش عـاد



....دام انا ذخري وفخري روح ٍ لروحـي فداهـا


يايبه تـراي بنتـك وانـت لـي عـون وإمـداد



....لو يطول الوقت روحي باقية لك فـي وفاهـا


يايبه شانـي رفعتـه بـالأدب واخلاقـي الـزاد



....وماكتبت اللي ينزل راسك من اعلـى علاهـا


يايبه شعري نظمته (ديـن) و(توجيـه) و(ارشـاد)



.....والهدف من هالقصايد نصح كل اللي قراهـا


ياعسى ربي يسلمنا مـن انجـاس ومـن اوغـاد



....وابقى طول العمر بنتك وانت ياغالـي غلاهـا


السهر لـو رام عينـي وامتلـت ياابويـه سهـاد



......فانت للاوجاع بلسم وانت لجروحي دواهـا


والهنـا بدفتـر حياتـي لـه مـع الايـام ميـلاد



...وداخل الذكرى لك اكبر صفحة يبـرق سناهـا


يايبه بـذرك بـذرت وللحصـاد اليـوم ميعـاد



.....وهذي هي بذرتك واحصد يايبه صافي عطاها


لاانكفت عيني عن عيونك ياابوي وصـارن بعـاد



....تظلم الدنيا بعيني واحسب ان المـوت جاهـا


ولاجمعني فيـك ربـي كننـي أملـك لـي بـلاد



......واشعر بإن الحياة اليـوم فـي قمـة رخاهـا


يايبه لاضقت مني صابنـي مـن ضيقـك اجهـاد



....ودي املي بالسعادة دنيتـك واسقـي حياهـا


اتخـذت الديـن والعلـم بحياتـي نهـج وعمـاد



....وحالفه ماامشي دروب ماتسر اللـي مشاهـا


مـا أبـي أتيـه بالشعـر وأهيـم بشعـب وواد



....وارمي بنفسي على الدنيـا واحملهـا غثاهـا


يايبه روحي بقربـك حققـت لـي حلـم ومـراد



.....واشكر الله جل شانه يومه اللـي لـي هداهـا


فدوتك ياابوي شعري وكـل باقـي لغـة الضـاد



...وفدوتك نفسي وروحي يايبـه واللـي وراهـا


وفدوتك من كان صدره ممتلـي غيـض واحقـاد



....جعل ربي في عيون اهل الحسد يقذف عماهـا


وياعساك بخير يابـوي وعسـاك بيسـر واسعـاد



.....وابشر ببنت على عهد الشرف يزهـي نباهـا

[نديمة الشوق]

عجزت أعرف !!

أنا تعصف بي الدنيـا وتاخذنـي متاهاتـي

واجاهد عبرة ٍ حنت على ذكـرى مواجعهـا

كثير الصبر وآلامه عجز.. ما حل مأساتـي

(خيانة) من خذا عقلي فؤادي مـا توقعهـا

اهيم بماضي ٍ قد فـات واسترجـع ملفاتـي

وارتب صفحة الماضي ولملمها و اراجعهـا

اخبي واهج اجروحـي ولا أبيـن معاناتـي

سعادة حظـي الهايـم أجامـل واتصنعهـا

حسافة كيف انا بسلى وجرحي في وسط ذاتي

وعيني لا تذكرته غصـب هلـت مدامعهـا

تدمر خافقـي كلـه وخانـت فـي هقواتـي

وهذي دنيتي خانت وأنا أجارى و اطاوعهـا

ألا ياخاين العشرة حرقـت القلـب بسكاتـي

غريبة بعض هالعالم عجزت اعرف طبايعها

الشاعرة ...نوض سدير

[نديمة الشوق]

صباح / مساء الخير وتغريد الطير
شاعرنا لهذا الاسبوع من شعراء دولة الكويت

شاعرحاصل عاى عضوية ديوانية شعراء النبط الكويتيه بدرجة شاعر ممتاز
كانت بدايته الاولى في الظهور عبر وسائل الاعلام من خلال البرنامج التلفزيوني (ديوانية شعراء النبط ) وذلك في اواخر عام 1996 للميلاد
والبدايه الفعليه بالصحافه من خلال مجلة المختلف في احتفالية العدد المؤوي وكان في نوفمبر 1999 للميلاد .

اطلقت عليه العديد من الالقاب من خلال الصحافه الشعبيه الخليجيه ومن اهم هذه الالقاب ( قنبلة الشعر, شاعر المختلف, شاعر الشباب, شاعر المطولات, شاعر الخناجر )
الاسم : حامد زيد سعدون فارس العازمي

مواليد 4/فبراير/1977 للميلاد

الحاله الاجتماعيه : متزوج وله ثلاث بنات ( اسماء - ساره - ريم )

المستوى التعليمي حاصل على شهادة دبلوم ادارة من كلية الدراسات التجارية

موظف في وزارة الشؤون الاجتماعيه والعمل بالكويت.


اهم دواوينه الشعرية :-

ديوان مقروء ويحمل اسم أربع خناجر .

والبوم مسموع يحمل أسم شعر حامد زيد .

البوم صوتي يحمل أسم السفينه .

امسية هلا فبراير 2004 للشاعر حامد زيد وخالد المريخي .

امسية أبوظبي وتجمع كل من الشاعر حامد زيد والشاعر سعد علوش .

ديوان مطبوع بأسم يقولون مالا يفعلون.

البوم صوتي ويحمل اسم البوم الجمهرة وهو الالبوم الاكثر شهرة على مستوى مبيعات كاسيتات الشعر

شاعرنا لهذا الاسبوع هو... حامد زيد

[نديمة الشوق]

الحلم
بـوقـت مــن الـبطا،وبليل تـترقص شـياطينه
بـعد شـفت الـضيا يـنزع مـن ثياب المسا ثلثين
تـحـايلت الـمـنام الـلي مـثل بـيتك تـمرينه
وانـا الـلي مـن تـفارقنا وأنـا ماغمضت لي عين
غـريـبة!!كل حـلـم يـمـر بـرقادي تـزورينه
والاغـرب..كيف أحـلم الحلم،وارجع واحلمه بعدين؟
قـبـل يـومين،شفتك بـالمنام..وقمت مـن حـينه!
ونـمت أمـس،ورجع نـفس الـمنام اللي قبل يومين
أنـا الـلي قـبل اسـافر شـلت قـلبي من شرايينه
تـركـته فــي يــدك الأمـانه،واحفظيها زيـن
تــرى حـفـظ الأمـانه ديـن..مجبورة تـردينه
أجـل ، مـافيه أحـد قال لك((حفظ الأمانة دين))؟!
مــرد الـمـقفي بـيـلفي..ويستوفي ،وتـوفـينه
بـعـدلـيـلـه،ثـلاثـه،أربعه،عشره،شهر،شهرين
إذا انـتـي ،مـاانتي بـقد الـكلام الـلي تـقولينه
حـرام...استامنك حـاجة،وإذا جـيت اطلبك تنسين
تـخونين،وتبين أرضـى!..واحد يـرضى تخونينه!
أنـا لاجـيت أخـونك،مع حبيبة ثانيه،((ترضين))!
مـن أول مـارجعت مـن الـسفر ماشفت لك بينه؟"
وأنا اللي كنت أحسبك قبل ادوس ارض المطار..تجين
تـكونين أنـتي أول شـخص عـيني تحتضن عينه
وكـنت أتـخيلك مـن زود فـرحة رجـعتي..تبكين
وأشـوف بـدمعتك حـكيك..وأعرفه قـبل تـحكينه
واجـيب أحـلى مـن الـلي بتحكينه،وأتركك تحكين
تـقـولـيـن:الوطن نـور..وأقـول:بـنورمضوينه
تـقولي لـي:غديت أحـلى،وأقول:عيونك الـحلوين
كـــلام نــام بـشـفاهك..وخفتي لاتـصـحينه
ذخـرتـيه لـغـرام لـلي يـنام...ويترك تـصحين
تـغـانمتي غـيـابي..لين رجـحـتي مـوازيـنه
تـعلم مـن يـدك لـمس الـكفوف وعـلمك تجفين
ولـيـتك لاقـيـه بــه شـي...فيني مـاتلاقينه!
مـهو بـغرور..لكن خـابرك مـالك أمـل تـلقين
تـغـافلك بـغلا..والإ الـحلا مـهو بـمن زيـنه!!
تزينه الصور ..بس الصحيح ابن الحلال((زوين))!!
وأنــا مـاني بـنقاص عـنه يـوم أنـك تـبدينه
نـصيبي..هو نـصيبي لـو يـسددها من الصوبين
قـنـوع بـمـظهري،والسم مـايـذبح ثـعـابينه
عـلى قـول الـمثل((ماني حلو..لكني ماني شين))!
إذا أهــداك الـزهر مـره،فأنا اهـديتك بـساتينه
وإذا ألـهاك بـفرح لـيله، فـانا تـهت لبكاك سنين
وإذا اسـتـضعفتك أمـلاكـه...وشتتك مـلايـينه
أنـا حـتى فـتات الـخبزة أقـسمها مـعك نصين
طـموحي ،بـس أجـي وأظـفر بـشي تـستحقينه
تـديـنـتـه،تـسلفته،سرقته،مومهم مــنــيـن؟
كـأني مـن كـثر مـاارضى بـكل الـلي تـمنينه
لـو انـك تـطلبين الله ..يـعنيني، بـقول آمـين
أنـا مـاالعب عـلى الـحبلين،وقت الطيش وسنينه
تـبين الـحين يـوم أني كبرت العب على الحبلين؟!
تـرى عـند الـبدو بـالذات((عيب اللي تسوينه))!!
حـلاتـك لاعـشـقتي..تعشقيني لـيـوم الـديـن
غـرامٍ نـسكن ضـلوعه...حشيمه مـن مـجانينه
جـفـا،يجمع مـعـزتنا...ولاعشق يــذل أثـنين
كـثـار الـلـي تـحـدوني وقـالـولي :تـحبينه
امـانـه..لاتخليني صـغـير بـعينهم ((تـكفين))!!
لانـــي كــل مـاقـالوا((تخون))..اقول:مسكينه"
عـلـيك الله وأمـانـه..علميهم مـنـهو الـمسكين
أنــا خـايف لياطاح الـجمل تـكثر سـكاكينه
وأنـا مـاعاد بـضلوعي مـكان لـطعنة الـسكين
مـثل مـاقالوا المكتوب واضـح مـن عـناوينه
لـو ارحـل مـنك للغربه..بسافر من ظلامك وين؟!
كـفـايه..كل حـلـم يـمـر بـرقـادي تـزورينه
كـفاية...من تـفارقنا..وأنا مـاغمضت لـي عـين
قـبل يـومين شـفتك بـالمنام وقـمت مـن حـينه
ونـمت أمـس،ورجع نـفس الـمنام اللي قبل يومين
الشاعر حامد زيد

[نديمة الشوق]

انتي ولا شيّ

والله وصرتي تستهينين فيني
وانا الذي سويت لك قدر بيديّ
تدرين وش كنتي قبل تعرفيني ؟
ان قلت لك كنتي ولا حاجة شويّ
انا الذي فرشت لك رمش عيني
وعملت منك شي و انتي ولا شيّ
جيت اعشقك ما جيتك لك تحقريني
جيت اسكنك بسمة ما هو بسكنك غيّ
لا صرت عامل لك قدر قدريني
ترا الكرامة صفحة ما لها طيّ
ما دام ما جيتي غلا لا تجيني
نار الجفا عندي ولا الذل بالفيّ
والله لاهجرك قبل لا تهجريني
اجل تبيعيني واجيلك برجليّ
يا تتركين الكبر يا تتركيني
لأن المحبة شي والمهزله شيّ
إن كانت الدعوة غلاي وحنيني
يمكن يزول الحقد ويشعشع الضيّ
لكن حكاية ينحني لك جبيني
في ذمتي ما ينحني لك وانا حيّ

الشاعر حامد زيد

[نديمة الشوق]

غرام أحباب
على ذاك الطريق اللي يسمونه غرام أحباب
وطت رجلي على دربه ولاأدري وش نوى فيني

تبعته لآخر دروبه .. ألين أن القمر قد غاب
تعب قلبي ، ولا تعبت مسافاتٍ توديني

لقيت الليلة الجردا : هدب ظل وسما واعشاب
بعد ذاك الظلام اللي يتوهني عناويني

صدفتك معجبه فيني وياليت..الغرام : اعجاب
وتراك انتي الهنوف اللي هقيتك تستحقيني

عطيتك عشق من قلبي..وسلمت لغلاك رقاب
وغيرك يحترق قلبه ولا يقدر يحاكيني

أنا قبلك صدفت عيون لكن ويش جاب لجاب؟
ترى كل العيون اللي لقتني ما تكفيني

رماني حظي العاثر عليك وجيت لك طلاب
ولا أنتي اللي عشقتيني ولا انتي اللي عتقتيني

تعالي واعتقي ذاك الخفوق المولع المرتاب
مهب لاجلي ، عشان الله يجازيك ويجازيني

تعدي في سما عشقي ولو عشقي خراب أصحاب
وصوني بالهوى نفسك قبل لا انتي تصونيني

وشيليني على متنك : خفوقٍ باريٍ منصاب
ومن فوق الغرام العذب .. شيليني وحطيني

ولا منك هقيتيني شجاع وما يطيق يهاب
أنا لك بالهوى والله مثل ما انتي هقيتيني

أنا ما أمشي ورا غيرك ولو أنه يطق الباب
وترى عيبٍ عليّ أطعن..ولو كثرت سكاكيني

زهودٍ ما يطيق الدم لا داين ولا طلاب
شجاع وعارفٍ نفسي وأظن أنك تعرفيني

غيورٍ ماعرفت أضحك مع الغدر ببّرود أعصاب
أبيع عيوني الثنتين قبل أنك تخونيني

إذا شد الغرام .. اترك خفوقي : بين ناب وناب
لفرقى تكسر ضلوعي .. ولا عشقٍ يوطّيني

أنا رجلٍ ولي غيره .. وإذا شفت الهوى كذاب
تثور بقلبي الفزعه ولا تهدى شياطيني

سؤالك لو يزعزع بي كياني ما قبلت عتاب
اجي لك وأسالك نفس السؤال اللي سألتيني

عن العشق القديم أبواب .. تقفيها كثير أبواب
بعد ذاك الحبيب اللي خدعني وانخدع فيني

أبي عشق تحسب له كل نظرات العيون حساب
وابي قلبٍ علي قلبي ، وابى دينٍ على ديني

وابي نظرة عطا توفي ولا تخلف بدون أسباب
وابي منك قبل لا نتي تصديني .. توديني

وابي دربٍ على العذال صعبٍ ومتعبٍ وغلاب
وابي نفس الطريق الصعب يبعدهم ويدنيني

ترى لو للقلوب عيون ولدموع العيون أهداب
حشى ما تنزل الدمعه لغيرك لو تركتيني

أنا أول من عرف قدرك وأنا توي صغير وشاب
وابي منك ما دام أنك عرفتيني تحبيني

ما دام أني لقيتك في طريق أسمه غرام أحباب
دخيل الله ، وبعد الله دخيلك .. لا تخليني

ما دام أن كل من يحيا على وجه التراب تراب
عسى تنساني الدنيا مادام انتي ذكرتيني

الشاعر حامد زيد