10-11-2009, 07:47 AM | #13 |
أصدقاء الحجاز
تاريخ التسجيل: Aug 2008
الدولة: السعودية
المشاركات: 1,406
معدل تقييم المستوى: 18 |
( تحت الارض احبك)
مي هذي مثل طلّ الصبـح لأغصـان الحدايـق يبتسـم قطـر النـدى لاباسـتـه أو باسـهـا مي هذي بنت لامن شفت صدر الليل ضايـق .. أدري ان عيون مـيّ اليـوم طـال نعاسهـا ! من هنا تصحى ويصحى الحب في عيون الخلايق ومن هنا تغفى وتنسى الارض ضحكـه ناسهـا يسعد الله قلب ميّ اللي كثـر ماهـوب بايـق .. ..من قلوب الخلق..مااذكر مـرّ يـوم وداسهـا لأن مي أرق بنت..ولو قسـت ماهـوب لايـق حيّرتني مي..الأجمل : هـي..والا أحساسهـا !؟ بالها لاضاق زانت..كيف لامن صار رايـق!؟ في انتباهتها براءه..كيـف اجـل هوجاسهـا !؟ العمر لو كـان ضحكـه مـي تكفينـي دقايـق بس اخاف ان مت..تحني مـي فوقـي راسهـا مي لـو تبكـي لموتـي مالـي الا افـز فايـق من قبـل لاامـوت أكثر..مـن نشيـج انفاسهـا مي .. لاتعطين بال لمن يقـول المـوت عايـق الجسـد موتـه يفـك الـروح مـن حراسهـا ماأحبك فـوق الارض وبـس ياكـل الخلايـق حتى تحت الارض أحبـك يابعـد مـن داسهـا مي لو ماقلـت فيهـا بيـت واحـد ماتضايـق لأن مالي شعـر ينشـر لـو رفـض كراسهـا الشاعر... فهد المساعد
__________________
|
15-11-2009, 10:20 AM | #14 |
أصدقاء الحجاز
تاريخ التسجيل: Aug 2008
الدولة: السعودية
المشاركات: 1,406
معدل تقييم المستوى: 18 |
دفتر أوجاآآعي
أكتب وأسلي خاطري بالكتابة كود التهي في نظم الابيات وأنساه واثر القصايد منه قامت تشابه من وين أقلب دفتر اوجاعي ألقاه هذي قصيدة قلتها في عتابة وهذي قصيدة قلتها يوم فرقاه وذيك القصيدة قالها من عذابه يكتب قصيد منكسر بس ما أحلاه ويقول جابه كان تقدر تجابه واقول شعرك لعنبو من تحداه ويروح يضحك ما أقتنع فالاجابه ويقول شعرك زين بطل محاباه وأقول طبعا زين لأنك زهابه لاصرت روح البيت وشلون تبغاه واليوم ذاك الوقت جمع شبابه واقفى ولا ادري صاحبي وين وداه ورضيت مدري ذل ولا مهابه ابعد وأهل الدمع لايام ذكراه الشعر والليل وبياض السحابه والضحك والحظ الردي والمعاناة كلش يذكرني بوقت غدابه ياوين ابرمي ذا الجسد فيه وانساه
__________________
|
15-11-2009, 10:22 AM | #15 |
أصدقاء الحجاز
تاريخ التسجيل: Aug 2008
الدولة: السعودية
المشاركات: 1,406
معدل تقييم المستوى: 18 |
قصيدة ...سكة الذكرى الحزينة
مرّني طيفـك .. وطيفـك صاحبـي مـدري عـدوّي جايبٍ صوتك .. وصوتـك سكـة الذكـرى الحزينـة قال أنا جوّي تكـدّر .. قلـت : ماهـو كثـر جـوّي قال فرقانا غبينـة .. قلـت : وأكثـر مـن غبينـة قال : أنا بأموت من غيبتك قل لـي ويـش أسـوّي؟ قلت : أنا أبغى الموت في غيبتك .. قل لي بس وينه؟! قبل ترحل .. كنـت أقـول بيسـرح أيـام ويضـوّي مثـل ماعودنـي اليـا اشتقـت لـه جابـه حنينـه بـس هالمـرة ثمـان شهـور وضلوعـي تــدوّي كل يوم أشتاق لك .. يلعـن أبـو الشـوق وسنينـه كـل ماعشمـت قلبـي .. قـال ياضلوعـي تقـوّي ورحـت أنـا ويـاه نرقـب رجعـة اللـي فاقدينـه نوب أقـول اليـا رجـع بكـون فـي قمـة هـدوّي ونـوب أقـول الا أبزعـل وأتلـى مابينـي وبينـه كل يوم أجلس علـى جـال البحـر وأقـول تـوّي .. .. لاسألني : مافقـدت الحلـم فـي لمسـة يدينـه ؟! مادريـت أن البحـر ماقـال لأمـواجـه تــروّي ! و مادريت أن الغـرق هـو حجّـة غيـاب السفينـة مادريت .. أو مابغيت أدري .. ولاأدري وش بسوّي لو رجعت .. وشفت طيفك فـي الممـرات الحزينـة وين ابنسى وانت طيفـك صاحبـي مـدري عـدوي مارضى يتـرك لغيـره شبـر واحـد فـي المدينـة! الشاعر فهد المساعد ....
__________________
|
15-11-2009, 11:15 AM | #16 |
أصدقاء الحجاز
تاريخ التسجيل: Aug 2008
الدولة: السعودية
المشاركات: 1,406
معدل تقييم المستوى: 18 |
سالفه عشاق
من بغى الفرقا لقى لـه عـذر واسبـاب ودليـل خل عنـك العـذر والاسبـاب دام الحـب ضـاع كان ودك بالفراق .. ابشر عسى عمـرك طويـل لاتـردد وانـت لـك كلمـه ولـك امـر ٍ مطـاع لـي عليـك انّـك تبّـت بكلمـة ٍ تشفـي الغليـل ولك عليّ انـي لأوّقـف وقفـة الرجـل الشجـاع لاتجاملني مخافة ( قال ) مـدري خـوف ( قيـل ) عمر ( هرج الناس ) مايسمـن ولايغنـي جيـاع كان قصدك ( سر حبك ) .. اوعدك لأصبح بخيل واحمل اسرارك معي للمـوووت قـدر المستطـاع بس قلها ... قل ما احبك ... وابشر بصبر ٍ جميل لاتحسب أني مثل مـن طبعهـم لـوي الـذراع ! صاحبـك ماهـو كـذا ياصاحـب القـد النحيـل صاحبك طبعـه غريـب وغربتـه غربـه طبـاع فـي الهـوى مايقبـل الحـل الوسـط ولا القليـل مثل ماهو لاشـرى يشـري .. ليامـن بـاع بـاع ثابت ٍ لو هي تميـل الارض حـدره ... مايميـل يـدري ان الفقـر ماهـو عيـب والدنيـا متـاع ماعشـق لـذّة حياتـه كثـر عشـق المستحيـل ولا كـره حتـى مماتـه كثـر كـره الأنصيـاع كم تعلّم مـن شديـد البـدو وش معنـى الرحيـل وكم تعلّم من غروب الشمـس وش معنـى الـوداع وكم تعلّم من سحاب الصيف وش معنـى الحصيـل وكم تعلّم من ليـال البـرد وش معنـى الضيـاع ايه انا هذا طريقي ( موحش .. وصعب .. وطويل ) وانت لامنـك تعبـت .. العالـم فجوجـه وسـاع اعتبرنـي فـي بدايـة سكّتـك عـابـر سبـيـل و رح وانا قلبي معك من ويـن وجّهـت الشـراع يكفي اني لاانذكرت فـي سالفـة عشّـاق .. قيـل :عاشر احبابه شجاع .. وفـارق احبابـه شجـاع الشاعر فهد المساعد
__________________
|
15-11-2009, 05:29 PM | #17 |
حجازي غير
تاريخ التسجيل: Jun 2009
الدولة: عالمي
المشاركات: 2,010
معدل تقييم المستوى: 25 |
غمازتين وسله
أشتاق / لك وأوقف على مطلع شعر قلته خبال وراق / لك وأدوّرك أنا أذكر أني قلت / لك الشعر هذا مايليق .. وجاوبت ِ : لكن لاق / لك شيطانه أنتي ماتحبي من بناتي الا بنتي اللي أنتي فيها بنتي كم صار لك يابنتي ماعاد بيّنتي مدري ليه ! .. يا أنتي كنتي منتي انتي يوم شفتك ! والا شفتك .. يوم انتي منتي كنتي أنتي ! يا اجمل من عيون خل ٍ ينتظر خله بغمازتين وسله فيها سحاب وعيد وطيور مبتله آه لو تجي .. تسقيني الحب الغزير وأخذها بيديها وأطير .. مدري لـ وين !؟ لكن أطير .. ومتى ماينهكنا الهوى أذوب وتذوب .. وتمرنا أسراب الغيوم وأصير أنا غيمه وتصير هي غيمه وأسيل أنا فـ وادي وتسيل في وادي وأقول للمفرق : محدٍ سأل عني أو مر من حولك ويقول لي المفرق : أسمع سراب أصوات فيها من هطولك وأظنها كانت لـ أهل ٍ ينادولك وأصيح به : تكفى يامفرق الوادي أنا هنا مليت مادلني أصحاب ولا دلّني غادي قبل انطفي وأجف (خذني على بلادي) للشاعر فهد المساعد
__________________
خــــلـوهـــا تـكــدس وصـــاحبــها يارب يفــلــس
|
19-11-2009, 09:23 PM | #18 |
أصدقاء الحجاز
تاريخ التسجيل: Aug 2008
الدولة: السعودية
المشاركات: 1,406
معدل تقييم المستوى: 18 |
الاسرار "
يا رفيف الماء .. وفجر العيـد .. وأحـزان الموانـي يا أكثر أهل الأرض طيبـة قلـب .. وأسـرار دفينـه المكـان اللـي هنـا .. مليـان ضحكـات ، وأغانـي والكـلام اللـي بغيـت أقـول .. يحتـاج ل سكينـه ! شوفي الركـن البعيـد هنـاك .. كنـه صـدر حانـي هـذا هـو اللـي يليـق ب شاعـر وبنـت حزينـه! أنسـي الشـارع ، وعتمـات الزوايـا، والمبـانـي هاتـي يدينـك نلـف الغـيـم ونشـكـل مديـنـه !! عنـدي الليلـة كـلام وصمـت .. وأخـاف الثوانـي تظلمه .. أو تظلـم اللـي فيـه كـم ضاعـت سنينـه بـس لازم تسمعـيـن الـلـي أبــي ولا تـرانـي لو ب أعيده لك .. نسيت .. ورحت أقول اللي تبينـه شي واحد قبل ما أبـدأ .. مـا أبـي أي شـي ثانـي يخطر ف بالك .. وأنا أكشف لـك شعـور تجهلينـه ! إن أنا .. وبكـل مـا تحملـه "أحبـك" مـن معانـي كنت،وراح أبقى أحبك .. لين .. مدري وش هو لينه !! بـس والله ماقـدرت أنسـى .. ولا همـي نسـانـي لا ذكـرت إنسـان .. فيـه أسـرار مابينـك وبينـه كـل مـا تطـري علـي فكـرة هــواك الأولانــي أشعـر إنـي أنطعـن مليـون مـره مـن يديـنـه! أشعـر إن عيونـك.. الله مـا خلقهـا إلا عشـانـي كيف كانت تبتسـم لـه؟!.. قولـي إنـك تخدعينـه !! صورة إنـه كـان يمسـح دمعـك .. تزلـزل كيانـي وكيف كـان يلـم شعـرك .. ويتبعثـر فـي يمينـه حتى اسمـك يـوم رحـت أدلله .. حظـي رمانـي.. بنفس الاسم اللي يقول .. بذمتـك ماهـي غبينـه !؟ وكنـي اللـي .. كـل مـا أناديـك بالاسـم الفلانـي أطلـب النسيـان .. يتـرك منـه شـي تذكرينـه !! لا تظنينـي أنانـي .. لا .. أنـا مانـيـب أنـانـي لو سلمت من الغرق . بأمـوت فـي ظهـر السفينـه! يا إني ما أكمـل وأعانـي .. أو أكمـل ثـم أعانـي.. كل ما اسمع طاري اسمه .. أو تجي عيني في عينـه! أينا كـان الضحيـه ؟.. وأينـا اللـي كـان جانـي ؟ مـدري !.. ولكـن قـراري لازم إنــك تقبليـنـه: مثـل مـا أكـره فكـرة إنـه واحـدٍ ياخـذ مكانـي ما أقدر أجلس في مكـان إنسـان.. كنتـي تعشقينـه!
__________________
|
مواقع النشر (المفضلة) |
الكلمات الدليلية (Tags) |
أسبوع, شاعر!! |
أدوات الموضوع | |
انواع عرض الموضوع | |
|
|