منتديات الحجاز الثقافية  

 


استرجاع كلمة المرور طلب كود تفعيل العضوية تفعيل العضوية
العودة   منتديات الحجاز الثقافية ( ثقافية - تاريخية - أجتماعية ) - alhjaz forums of cultural > منتديات منطقة الحجـاز - Alhjaz Zone Forums > مدن ومحافظات وقرى الحجاز > مدينة جدة

مدينة جدة كل ما يتعلق بمدينة جدة من عادات و تقاليد وأخبار وآثار قديماً وحديثاً .. إلخ

إضافة رد
 
أدوات الموضوع انواع عرض الموضوع
قديم 11-03-2007, 03:17 PM   #1
زهرة الليالي
أصدقاء الحجاز
 
تاريخ التسجيل: Nov 2006
الدولة: أحب البقاع الى الله
المشاركات: 2,145
معدل تقييم المستوى: 22
زهرة الليالي is on a distinguished road
((قاموس جداوي ))

وصلني عبر الايميل وحبيت انكم تطلعوا عليه

انتشرت في السنين الأخيرة شوية مصطلحات ماكانت موجودة ايام
ابائنا واجدادنا تطلع مدري من فين لكن تنتشر
بشكل رهيب ، فيها بعض من روح الشباب وفيها كمان شي من التجديد وسمه مميزه لكل عصر

ماهو ابائنا طلعوا اكيد كلام ماكان موجود ايام اجدادنا
واجدادنا بالتأكيد جابو كلام ماهو موجود ايام ابائهم
واهي كده المركب تمشي ======== > ابو الفلسفة

أشكل
جات فتره انتشرت دي الكلمة بصورة كبيرة وهيا بشكل عام معناها الطناش
فلمن تيجي تبغى تطنش شي تقول أديه اشكل ومأخودة من لعبة البلوت او الورق للاخوان اللي ما يعرفو معنى البلوت

أطبعو ..
ههههههههههاي من الألفاظ المضحكة جدا وتنقال لمن شخص ما يسمعك ويسأل ايش قولت وماتعيد الكلام تاني فتقوله اطبعو

أل
انتشرت بشكل رهيب اضافة ال التعريف من باب المبالغة في الفترة الاخيرة
زي مثلا لمن تشوف واحد غشيم تقول مو بس غشيم الغشيم ههههههه لمن شباب يعاكسوا في السوق ويشوفو بنات ما يقولو بنات البنات
ما رح يفهمها الا اهل الحجاز بصراحه لانها تتنطق بطريقة مميزه

إنبراش>>
نعرف انه لمن بتلعب كوره واحد يدخل عليك معناتها انبرش عليك لكن عند الشباب صار لها معنى تاني انبراشة صار معناها انه دخله غلط وسط الكلام
يعني انه تكون انته والشلة بتهرجوا في موضوع ويجي واحد يقول كلام مالو أي علاقة بالموضوع هنا نقول فلان انبرش وهادي تصير انبراشه
ولا لمن يكون الكل ساكت ويجي واحد يقول كلام ماله داعي زي نكته بايخه
مثلا هنا نقول على الحركة دي انبراشه

بلف
ههههههههههاي من اضحك المصطلحات بصراحة طبعا الشباب يعرفو البلوف
معنى انه شخص ينبلف يعني انه يسوي الشي بسرعه بدون تفكير مثلا لو شاف صاحبه اشترى سياره جديده وعجبته قوام جاب وحده من نفس النوع هنا نقول
انه بلف ينبلف بسرعة هههههههههاي ولمن يكونو اتنين بيتضاربو ويجي واحد يحرش ولا لما يكون واحد يجري بالكورة ولساعو بعيد عن المرمى ويجي واحد يقولو شوووت يقوم يشووت كدا بسرعة دا نقول عليه انبلف ههههههههااي
احس بعض الناس ماحتفهمها بس هوا معناها كده وخلاص

تشبيك>>
ودي الكلمة معروفه وانتشرت بمختلف ارجاء المعمورة ومعناها انه لمن واحد يقول انا شبكت فلانه يعني انا خليتها تعجب فيا وتحبني ولا تكلمني وزي كدا

تغريز
كلمة يعرف انه لمن السيارة تغرز يعني تغرز في الرمل لكن بين الشباب
المصطلح ده غير يعني لمن انته تيجي وتقول غرزت عند فلانه يعني وقعت في دباديبها ههههههههههه او تقول فلانه غرزت عندي يعني وقعت في دباديبي
ايش بالله الكلام الفاضي دا نجيبلك ونش احسنلك
هههههههههههههههههههاي

جنط
الكل يعرف جنوط السيارات طبعا لكن اليومين دول برضو صار للجنط معنى تاني ..
يعني لمن واحد يقرفك ويطفشك من كلامو ..
يقولولك الشباب اعطيلو جنط يعني طناش ..
وهادي زكرتها فوق بمعنى أشكل

دافور
دافور معناها زمان في الحجاز الفرن ولكن دحين صار معناها البنت او الولد الشاطر\ة في الدراسة نقول عنه\ا دافور\ه اللي دايمن شغال عالكتب

دعس>>
دي الكلمة تنقال للاقدام على الشي وتنفع مرادف لكلمة قدام يعني لمن
مثلا يجي احد يقولك تيجي نروح التحلية ترد عليه وتقول والله دعس يعني يلا معاك
ولا هيا شباب نلعب كورة يقولولو ادعس

زي الكرتوووون :
تنقال للواحد الأهبل

شاكوش
معناها الاصلي طبعا المطرقة لكن دحين صار معناها البنت ولا الولد اللي مو حلو هههههههاي نقول عنه شاكوش

شباب في رحلة
شي وما يطلع مره مزبوط فتقول للي جنبك يااخي عادي شباب في رحلة
ههههههههههاي من فين جات هادي الله اعلم
ولا تسوي شي مو معتاد كدا وتحس احد استغرب فتقولو شباب في رحلة

شوربة>>
طبعا كلنا نعرف الشوربة احلى شي عندنا هنا شوربة الحب على الفطور
ياسلام سلم لكن هنا معناها غير فلمن انته تقول شوربه يعني شي سهل فلمن
مثلا يكون عندك اختبار ويكون سهل جدا تقول الاختبار كان شوربة وهكذا
ولا مثلا تكلم احد وتقولو انا اروح شوربه ..
يعني اروح وطي ..

ولا تيجي المدام تجبلك الاكل تقوم تقولها حياتي من غيرك شوربة......ههههههههههههههههه

صاروخ
هههههههاي طبعا نعرف الصواريخ لكن هنا معناها شي ثاني معناها البنت الحلوة فلمن الاولاد يشوفو بنت حلوة يقولو عنها صاروخ

طقطقة
ودي الكلمة تنقال لمن تبغى تتسلي في واحد يعني تستعبط عليه وهوا اهبل يكون مسكين على نياته وتلاقي ياما شباب مثلا متجمعين يقولو لو جا فلان نطقطق عليه ولا تلاقي واحد يجي يقول امس طقطنا على راس فلان وزي كده

في الألف وفي المليون
دي حلوه مره وهيا لمن تشوف شي يعجبك ويكون مميز
او تعمل حركه مميزه او شي زي كده لنفرض مثلا جوال عجبك تقول والله جوال
في الألف أو تقول جوال في المليون

ما عندك احد
هههاي كلمه فله ولمن مايكون عندك هرجه وتنقال للشي اللي مو تمام

نمرة واستمارة
ودي تنقال عند التأكيد وغالبا في الغباء والهباله زي مثلا تقول فلان أهبل بنمرة واستمارة

كاي>>
وهادي هيا ضحكة الشباب الجديدة ويضحكوها وقت التريقة والشماتة و لا دحين صار الضحك تقول كااااااي بصوت عالي وتمد الألف

هبقة
هبقة زمان اعتقد كان معناها سرقة لكن دحين اتغير المعنى فلمن تقول
مثلا والله هبقت انا والشباب ورحنا الكباين
فهبقة فهنا معناها طلعة وليها معنى تاني بمعنى هروب زي لمن طالب يقول أمس هبقت من المدرسة يعني شردت منها او تسوي حاجة غريبة على حركاتك انتا تقول يا عمي هبقة

يعطيك
دي الكلمة من الكلمات الجديدة وتنقال للتشجيع يعني لمن تلاقي احد عامل حاجه رهيبه تقوله يعطيييييييييك بمد الياء التانية زيمثلا يكون سجل قول ولا شي زي كده

أرنب .. ركبتي ..
من الكلمات الي تدل اني انا بسمه بكشه قدامي ..
>>فيعني قلك بيسو انهم محترمين ومايبغو يقولو للقدامهم انو كزاب ..
يقومو يقولولو كده يعني زي واحد قاعد يتكلم ويحكي وكول كلامو بكش يقوم واحد يقول للتاني يووواد شوف شوف ارانب

يلعن ام الفله ..
لمن يكونو في شباب وعجبتهم مره الطلعه ولا في اولا يبسطو الواحد يطلعو
يقومو يقولو على الطلعه يلعن ام الفله

امووو
يعني مثلا مين فين لأمو حلو ..
يابن الناس سيب امو في حالها هيا اشلها صلاح.........( مافهمتها)

فوكنا ..
يعني تكون مافيك و واصله معاك على النهايه ..
واحد مطفشك تقولو ياشيخ فوكنا

فوكها ..
هههههههههههاي هادي المره هوا حيفكها ..
لمن الواحد تكون اخلاكو زفت ومررره طين ..
تقولو ياشيخ خلاص فوكها

قويه ..
لمن يسير شي مو عاجبك ولا شي كده مو زي الناس ..
تقول قوييييييييييييه بشد الياء

كووووووول ..
تنقال على أي شي يعجبهم

جييييييد ..
بشد الياء .. لمن يعجبك الشي قول جيييييييد

بااااااااد ..
لمن تشوف امر مو حلو ولا ولد سيء منظرو يقولو عليه باد .
بمد الالف

هيااا خير
لما يسير شي مفاجيء ولا يكون في حاجة غريبة كدا ولا باسوي نفسي مستغرب
ولا باستهبل اني مش مستوبع فعلى طول
هيااااا خيييييييييييييير

كل فطير وطير
يعني يللا روح سري راحت عليك خلاص

انشكاح ..
ومعناها يعني لمن الواحد بيسمع خبر حلو ولا عندو خرجه خطيره وفيها فله
تلاقي طاير من الفرح ومين قدو .. على طول نقولو بطل انشكاح تلاقيه منشكح

لاتدف
كلمه حلوه وتنقال لمن تكون تتكلم ومتحمس في الهرجه ومتفعل في كلامو
ويأشر بيدو كده ويطلع فيها وينزل .. ولا واحد معصب وبيهزئ في الكلام
ولا كده واحد يقول يلا بسرعه سوي كده دحين ..
تقوم تقولو لاتدف

زرقنه ..
خخخخخخخخخخخخخخ كلمه جييييييييييييييده ..
واحد مخو ونافوخو ناشفه زي خخخخخ كده وتقعد تقولو وتشرحلو وتترجى ..
وهوى موصر كده يعني كده يعني مزرقن بقوه

قردنه ..
هادي غالبا ماتنقال على الناس الي مزرقنين ..
مثلا تبغى تخرج وابوك مصر انك اليوم معاقب مافي خوروج ..
على طول يقولك صاحبك ياشيخ روح قردنو .. يعني روح جيب راسو ..ههههههههههههههههههههههههاي
مو راسو يعني تروح تقتل الرجال وتجيب راسو ..
لا لا يعني تجيب الموافقه ويقول طيب

اصرفها.. اخرشها
هههههههههههاي كلمه في اللزيز ..
عندك كده كدبه ومنتى عارف تكزبها وخايف وعامل الولد الي ماعمرو يكزب
وانت دحين في ورطه ولازم تكزب ..
يقوم صاحبك يقولك ياشيخ خلاص اخرشها ولا اصرفها
ولا سويت مصيبة وتبغا تلف الموضوع فتبدا تفكر كيف تخرشها ولا تصرفها

نص كوم
حركات النص كوم دي بطلوها ..
تقعد تعملي انك ولد كووول وفي النهايه ايش تبغى ..
كده قول مين الاخير ..
عندك شي تبغاه مصلحه تبغاها قول ..
لكن لاتقعد تدحلس عندي وتعمل حركات نص كوم
يعني لف ودوران وتلف الموضوع ومدري ايش مسوي انك تبغا شي وانتا في بالك شي تاني

بطلوها>>
يعني شي قديم كده زي ..
>>واحد قبل كم يوم جاي يقولي يلا ايش رايك ندور على منتدى جديد ياشيخ
بطلوه هده المنتدى سار ابو قديم ..
ههههههههههههههاي
بس انا عامل الواد الي مايبيع العشره بدي السهوله ..
وعلى طول قولتلو لا أفا مايسير ..
نترك الناس الطيبين .. عامل فيها


ها ايش رأيكم....... فيها كثير كلمات مدينية ولا
__________________

زهرة الليالي غير متصل   رد مع اقتباس
قديم 11-03-2007, 03:24 PM   #2
صـرخـة الـسـكـوت
حجازي غير
 
الصورة الرمزية صـرخـة الـسـكـوت
 
تاريخ التسجيل: Sep 2006
الدولة: الـمـديـنـة الـمـنـورة
المشاركات: 1,972
معدل تقييم المستوى: 21
صـرخـة الـسـكـوت is on a distinguished road
افتراضي رد: ((قاموس جداوي ))

ها ايش رأيكم....... فيها كثير كلمات مدينية ولا <<<<

بيني وبينك اخت زهرة المصطلحات الجداوية قريبة من المدينية

وما اشوف فيها داك الفرق الكبير

مصطلحات من جد تلات ارباعها موجودة ومستخدمة من قبلنا

يعطيكي العافية على ما قدمتيه من رحابة وسعة صدر

دمتي آنستنا زهرة ....
__________________
صـرخـة الـسـكـوت غير متصل   رد مع اقتباس
قديم 11-03-2007, 03:33 PM   #3
زهرة الليالي
أصدقاء الحجاز
 
تاريخ التسجيل: Nov 2006
الدولة: أحب البقاع الى الله
المشاركات: 2,145
معدل تقييم المستوى: 22
زهرة الليالي is on a distinguished road
افتراضي رد: ((قاموس جداوي ))

صدقت اخي صرخة

عموما منطقة الحجاز كلها مصطلحاتها متشابها


شكرا على مرورك العطر اخي صرخة


تحياتي لك.........
__________________

زهرة الليالي غير متصل   رد مع اقتباس
قديم 11-03-2007, 10:51 PM   #4
alma7i
Owner Alhjaz Forums
Abu Abdallah
 
الصورة الرمزية alma7i
 
تاريخ التسجيل: Mar 2006
الدولة: Al-MaDiNaH
المشاركات: 13,964
معدل تقييم المستوى: 200
alma7i has a reputation beyond reputealma7i has a reputation beyond reputealma7i has a reputation beyond reputealma7i has a reputation beyond reputealma7i has a reputation beyond reputealma7i has a reputation beyond reputealma7i has a reputation beyond reputealma7i has a reputation beyond reputealma7i has a reputation beyond reputealma7i has a reputation beyond reputealma7i has a reputation beyond repute
افتراضي رد: ((قاموس جداوي ))

يعطيك العافيه اختي زهرة على هل المصطلحات ..

لاتحرمينا جديدك اختي الكريمه ..



اتمني لك دوام التوفيق والسعاده ..


مع خالص تحياتي ،،،
__________________

[
وما من كاتبٍ إلا سَيُفنى* * * ويُبقِي الدَهرُ ما كَتبَت يداه
فلا تكتُب بكفكَ غير شيءٍ * * * يَسُرَكَ في القيامةِ أن تراه


alma7i غير متصل   رد مع اقتباس
قديم 13-03-2007, 01:30 AM   #5
عطر السحاب
عضـوه إداريـة
عضو مؤسس
 
الصورة الرمزية عطر السحاب
 
تاريخ التسجيل: Mar 2006
الدولة: طيبة الخير
المشاركات: 4,011
معدل تقييم المستوى: 30
عطر السحاب is just really niceعطر السحاب is just really niceعطر السحاب is just really niceعطر السحاب is just really nice
افتراضي رد: ((قاموس جداوي ))

رائع ما طرحتي زهوره

يعطيك العافيه وسلمت اناملك

و فعلا معظمها مدينيه وهي في الاصل حجازيه وكلنا بلد واحد



لك كل تقديري وفائق احترامي
عطر السحاب غير متصل   رد مع اقتباس
قديم 13-03-2007, 02:59 AM   #6
المسافر
+:: نائب المؤسس ::+
**:: أبو عبدالله ::**
 
الصورة الرمزية المسافر
 
تاريخ التسجيل: Dec 2006
الدولة: المدينة المنورة
المشاركات: 3,593
معدل تقييم المستوى: 200
المسافر is on a distinguished road
افتراضي رد: ((قاموس جداوي ))

مشكور زهرة على المصطلحات


وهي مصطلحات تخص منطقة الحجاز بصفة عامه


وليست جدة فقط



دمت بود
__________________
المسافر غير متصل   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة

الانتقال السريع


الساعة الآن 05:41 PM


Powered by vBulletin® Version 3.8.7
Copyright ©2000 - 2024, Jelsoft Enterprises Ltd
All Rights Reserved Alhjaz forums © 2006 - 2020