المسافر طول الغيبة

[kmo]

الله يردّ المسافر طوّل الغيبه = لو هي اسابيع عندي عدّة اعوامي

له وحشةٍ زادت بقلبي لواهيبه= من حرها اوجس النيران بعظامي

البدر لا غاب ماللكون من هيبه= مهما النجوم كثرن باعداد وارقامي

يطول ليلي تناوشني مخاليبه = خوفٍ وهوجاس والكابوس باحلامي

لا سافر اللي تحبّه اكبر مصيبه = يبحر بك الهم في وسواس واوهامي

ما تامن الوقت فالأقدار تجري به= ولا تدري اللي تخبي سود الايامي

واللي مسافر ترى يسلى عن صحيبه= المشكل اللي على جمر الغضى نامي

ولو كل منهم يعيش الوقت تغريبه = احدٍ بكيفه واحد في الغربه الزامي

لا كلمّه من يحبه ما وضح عيبه = يقول مبسوط يخفي جرحه الدامي

فالقلب عند السفر تكشف عذاريبه = ولو هو قويٍّ تحوّل كومة حطامي

وأنا بغربه وحالي صارت صعيبه = يمضي بي الوقت مثلي مثل الايتامي

والاّ كسير يجرّ الصوت ويجيبه = محدٍ سأل عنه من صدقان واقوامي

ينطر حبيبه لعلّ بيوم يدري به= يفهم مشاعره ما يحتاج لافهامي

مسيت بالحب نبع الحب والطيبه= صبحت بالخير مصدر كل الالهامي

اتعبني القيد ليت القيد تركيبه= ان كان افكّه ولا حسّيت بالآمي

ارجع اليّ ترى طوّلت بالغيبه = ارجع اليّ قبل ما تكسب آثامي

يالله ترد المسافر بالف ترحيبه = افرح بلقياه ينعش قلبي الظامي

[طيــ الذكريات ــف]

قصيدة في منتهى الروعة..

تسلم يمينك أخوي kmo...

دوم متميز ما شاء الله عليك..

good::

ربي يوفقك وبانتظار كل جديد منك..



مع التحية والمحبة الأخوية
طيــ الذكريات ــف

[وردة المدينة]

السلام عليكم ورحمة الله وبركاته
الله يعطيك الف عافيه ويسعدك ربي اخويه كمو وتسلم ايديك ياسيدي على القصيدة الحلوه ربي يحميك ويوفقك والف مبروك ياسيدي على الاشراف
وردة المدينة

[kmo]

يا سيدتي طيف الذكريات

انا شاكر ومقدر لك مرورك العذب والروعة دائما مرهونة ومرتبطة بتواجدك

لك خالص الود وكل الاحترام

[kmo]

ايتها السيدة المحترمة وردة المدينة

المسافر يغيب ويتمنى احبابه دوما عودته اما مواضيعي فهي لا تشتكي ابدا لوعة الغياب او السفر طالما تواجد قلمك فيها

لك كل التهاني ايضا

[المسافر]

يعطيك العافية kmo


قصيدة رائعه فعلاً


للشاعر الدكتور عثمان العبدالله



الف شكر لك