06-08-2011, 05:12 AM | #1 |
حجازي غير
تاريخ التسجيل: May 2011
الدولة: السعودية
المشاركات: 392
معدل تقييم المستوى: 13 |
الشايب يبي يعرس والله
قصة شايب ومعزبته وهي عايشة معه طول السنين وتعرف حاله وامكانياته ولا تبي تحمله اكثر مما يقدر عليه ومسايرته وهو شايب كبير في السن وهي كذلك . هالشايب له ولد نشمي.. جاه الولد وقال يبه وش رايك لو نزوجك ؟ قال: والله الساعة المباركة.. اي والله يا ولدي، يا ولد السعد.. اي والله زوجني قال الولد: ها ما به خلاف.. قام وخطب له ذيك البنت وهم شغالين في ترتيب الزواج درت العجوز وتأكدت ان الشايب يبي يعرس والله وتتغير عليها الأمور .. وقامت تمترح وماهي متأكدة ان الشايب بيعرس من جد لأنها خابره امكانياته وغريب إنه يبي ياخذ له بنت قالت العجوز لولدها : ياولدي انتوا بتزوجون الشايب؟ لا تزوجونه ماله لزوم.. الشايب ذا المفروض ما تزوجونه .. العجوز ذي شاعرة وكذلك الشايب شاعر.. المهم قامت وسوت لها كم بيت في ذا الشايب تبغى تعلمه ان الامر صعب وتبين له بعض العقبات اللي بتقابله وان رفيقته الاوليه قابله منه الميسور وراح تتغير عليه الامور قالت العجوز: جملنا جملنا باركن له ثلاث سنين *** وهو ليّا جبنا له الحمل ما شلّه ماغير القتب والمزودة وسطها مدين *** وهو بارك عجزان عن شيلها لله وذا اليوم جبتوا حملةٍ وزنها طنين *** وذا الحمل يا الاجواد ما هوب قد لّه جيته وقلت بالهون بالهون يا مسكين *** هذا الحمل يبغاله جمال تجهم لّه ماهوب انت ياللي جايب فيدك من الصين *** أنا اللي أعرفك زين يابارد(ن) دلّه قام الشايب والظاهر عنده امكانيات.. لكن ذي العجوز واقفه في طريقه ومدقره له الرد من الشايب: جملكم ماهو مسكين يا جعلك السكين *** جملكم يبي ينقل زهاب العرب كلّه وهو اللي نفع العرب في الزمان الشين *** لكن الجمل في تاليه طاح في علّه وقع في رحول طول سيقانها مترين *** صخاف الجنوب ضلوعها كنها هلّه وحتى الجمل من شوفها صار حاله شين *** وهي السبب في طيحته جعلها العلّه لها ذيل أجرد عمرها من ورا السبعين *** وعز الله انها تمرض القلب وتعلّه لكن جيبوا للجمل بكرةٍ عمرها عشرين *** وتشوف الجمل يعطي كلش على حلّه ليا عيّن الحمرا الردوم اشتغلها زين *** وخله بعيد من أم شاصين منحلّه اذا الله عطانا عمر وانتوا من الحييّن *** تشوف الجمل لو حملوه طويق يشتلّه والله ذا الشايب ماهوب سهل وشنها قوية على ام عياله مااااالت عليه ياكافي |
06-08-2011, 10:24 AM | #2 |
مشرف منتديات الآدب والشعر
تاريخ التسجيل: Jul 2011
الدولة: المملكة العربية السعودية
المشاركات: 519
معدل تقييم المستوى: 14 |
صباح الخير .. هذول على اخر اعمارهم قاموا يتلاقطو يالله العافيه ولا احلى ما عجبني انهم يتضاربوا بأدب ذي رمت ابيات شعر وذا المخبول رمالها وكسر مجاذيفها من اول بيت وانا غاسل ايدي من الشايب ذا .. يعطيكي العافيه على الموضوع .. تقبلي مروري
|
06-08-2011, 10:07 PM | #3 |
حجازي غير
تاريخ التسجيل: May 2011
الدولة: السعودية
المشاركات: 392
معدل تقييم المستوى: 13 |
يسعد صباحك ومساك خيو
هو كسر مجاديفها بعقل لا والله انه انجن الشايب بس عاد لو ما غسلت ايدينك منه كا ن شيء ثاني ؟؟؟؟؟؟؟ يسلمووووووووووووووو والله خيو عالمرور والتعليق يعطيك الف عافيه ومشكووووووووووووووووره لا خلا ولا عدم |
مواقع النشر (المفضلة) |
|
|