منتديات الحجاز الثقافية  

 


استرجاع كلمة المرور طلب كود تفعيل العضوية تفعيل العضوية
العودة   منتديات الحجاز الثقافية ( ثقافية - تاريخية - أجتماعية ) - alhjaz forums of cultural > منتديات الحجاز الأدبية - Alhjaz Literary Forums > الأدب والشعر > الشعر العام

الشعر العام شعر نبطي شعر شعبي

إضافة رد
 
أدوات الموضوع انواع عرض الموضوع
قديم 05-04-2010, 05:30 PM   #1
الصالحي
حجازي غير
 
الصورة الرمزية الصالحي
 
تاريخ التسجيل: Jun 2008
الدولة: في قلب الحجاز
العمر: 48
المشاركات: 1,616
معدل تقييم المستوى: 19
الصالحي is on a distinguished road
افتراضي مجموعه أبيات في الحكمه ( نبطيه )

دون اي شك بان الشعر القديم (الفصيح) أقوى وأجزل وأدق معنا" ووصفا" من الشعر النبطي الحالي . وان الشعر النبطي هو امتداد للشعر الفصيح ولكن نظرا" لاختلاف اللهجات عبر مرور الازمنه أصبح الشعر بهذا الشكل وهذا الاسلوب النبطي علما" بان مازال هناك شعراء يبدعون بالشعر الفصيح الى وقتنا هذا


والشعر بصوره عامه منذ الشعر الجاهلي الي النبطي الحالي فهوا يندرج وينضوي تحت عدة مجالات مثل (المدح , الهجاء, الغزل, الحكمه , الفكاهه...........الخ ) وكل في مجاله


وهنا احببت ان اورد بعض المقتطفات من الشعر النبطي في مجال الحكمه وأأمل من البقيه انهم يشاركوني بما تجودبه انفسهم :





, راكان بن حثلين العجمي يقول
ما قل دل وزبدة الهرج نيشان* والهرج يكفي صامله عن كثيره
الذم ما يهفي للاجواد ميزان * والمدح ما طول ايدينن قصيره
*************
, تركي بن حميد
اخير منها ركعتينن بالاسحار* لا طاب نوم اللي حياته خساره
*************
اللي يضيع الليل يتنا النهارا* واللي يضيع القايله من يقديه
, مويضي البرازيه
*************
أحفظ دبشك اللي عن الناس يغنيك* اللي ليا بان الخلل فيك يرفاك
, بركات الشريف
**************
ولد النبيته لو تمرجل ولو جاد* يدك به من ساس جده وداعه
, فجحان الفراوي
**************
دنيا" نبي تقزيرها ضحك حجان* ولا ترا سيورها مستقيله
, بندر بن سرور
**************
اليا روى القصه بجد بطنها بجد * لو كان لعتيبه نسبها لقحطان
, عبدالله بن عون
*************
الادمي لولا المكارم والاخلاق * كالحنظله من عرقها لا ورقها
, سعد جدلان الاكلبي
*************
ما كل رجال لو طالن اشانيبه* يقضي لزوم الرياجيل وتعناله
, سعد بن سلطان الرخيمي
*************
وش خانة الدنيا وجمع الدنانير * وحنا علينا نازع الروح ناوي
, عبدالله مدعث الدوسري
************
كرامتي ما هي مثل عملة الين * بالعز مثل اختي وأنا مثل اخوها
, عيد بن سمير الحربي
***********
الله ستر خلقه بلبس الهدومي * والناس تفرق بالفعايل والاطباع



* يقول الامير: خالد الفيصل دايم السيف .


الناس تفنى والمباني والاملاك
والقول يبقى والخبر للتوالي

الشعر معنى حكمته بعد الادراك
وما كل يلمع على النور غالي

والشعر صور شاعر فيه تلقاك
اما لبس لك جوخ ولا سمالي


* ويقول: بركات الشريف:

احفظ رثك اللي عن الناس يغنيك
اللي الى بان الخلل فيك يرفاك

اجعل دروب المرجله من معانيك
واحذر تمايل عن درجها بمرقاك

أدب ولدك كان تبغيه يشفيك
واستسفعه من بعد مرباه يالاك


* وهذا الشاعر: سليمان بن شريم من بني زيد يقول:


وربعك الى بان الخلل فيك عافوك
اقرب قريب لك من الناس يشناك

ان كثر مالك اصدقولك وطاعوك
وان قل ما بيدك شانت حلاياك

لو تطلب الماء عندهم كان ما اسقوك
ابعد مزارك عن وطنهم ومرباك

وان طاب حظك اصدقولك وحبوك
وان بار كل ما يبي غير فرقاك

وهراجة المجلس الى جيت وروك
منازل تطرب نظريك بدنياك

والى قضوا منك اللوازم وخلوك
تفرقوا وانت احتمل لحل ما جاك

كنك سراج البيت للنور شبوك
واللي انقضى اللازام حد الربع طفاك

الى ان قال:

واصحى لخلان الرخا لو تغالوك
اعرف ترى اطيبهم الى احتجت يجفاك

كنك خوي مقيط دهووك واغووك
وحقك عطاك رشاك واقفى وخلاك

واحذر عن العيلة ترى الحق مدروك
مثل العمل يدركك ما منه فكاك

وان كان عدوانك على الضيق حدوك
فاخصم طلابتهم بعجفاك وقداك

وان كان هم لمشرف الحق ما شوك
ناظر مطاليع الفرج قبل مبداك

واحلم على الجاهل ترى الحلم مبروك
وقم للضعيف اللي من الضيم ينخاك

وادمح خطا جيران بيتك الى اوذوك
ترى القصير وحرمة الجار بحماك

وقم للضيوف اللي لفولك وضافوك
اغلا كرامتهم حجاجك وبشراك



* يقول الشاعر: عبدالله بن صقيه التميمي:

ساس الردي لابد مبناه ينهال
ولد الردي صاحبي تحطه بطانه

تلقاه وقت الضيق لاضحكك الجال
الصفر لا يغريك زين لمعانه

ترى الذهب من صافي جنيه واريال
ما يختلف يا ذيب طيلة زمانه

بستان غيرك لوبه الوان واشكال
ما تنتفع من خوخه وبردقانه

ما ينفعك ما فيه لو بالثمر مال
لاصار بالغدراء جداره مخانه


ويقول ابو التميمي ايضا:


احرص عن الزلات في كل الاحوال
لا تنخدع باللي يعلج اللبانه

ما يفتري ويشين الناس رجال
راع الحكي بالناس خله وشانه

عليك باللي بالمهمات سردال
ليث مثل من حط قوسه رهانه

انت وانا نبعد عن القيل والقال
كم واحدٍ يا ذيب ضره لسانه



* ويقول غازي بن دخيل الله بن عون العتيبي

الرفقه اللي مالها ساس ووصول
اتلى تلياها تروح بسهوله

مثل الذرور اللي على راس غرمول
اول مهب يعترض له يزوله

والفعل ما يطلع على مستوى القول
يقول قول ما يطبق فعوله

والفرق في الافعال,, ماهوب في الزول
والا ترى اطيب ما من الثور زوله

لو غرّهم زوله,, وحطوه مسئول
صاروا مثل راع الغنم ومخيوله

ثوب على جسم على شبه مخيول
ودايعه يفرسهن الذيب حوله




* يقول: عبدالعزيز الحسن:


بعض البشر مثل النجوم المراهيش
انوارهم تزهي بالافراح بشه

افكارهم ري العقول المعاطيش
في الدين والدنيا للاخيار هشه

وبعض البشر عقله من التبن والخيش
لوزان شكله داخل الراس عشه




* وقال تركي بن حميد العتيبي


ترك عشير عشرته يوم او دون
ثم يبدل بك عشير وينساك

شف لك قطامي على السد مامون
درع القفا ما ينهض الراس لحذاك

اللي الى اوحى الناس فيكم يهرجون
حامي على عرضك ويدمح خطياك




* ويقول: عبدالله اللويحان التميمي:


الشور ما ينفع قلوب المهابيل
كالزند وان حرك تطاير شراره

لو تأمره بالعدل يعرض على الميل
يبتل على رايه بربح وخساره

والطبع ما ينزال غيره بتبديل
مثل الجدي مرساه ليله نهاره

والحنظله لوهي على شاطي النيل
زادت مرارتها القديمه مرارة




* يقول راشد الخلاوي الهاجري:


لا تستشير الا صديق يودك
في الله صافي السر مامون عاقبه

وترى شور ما لا يستشيرونه الملا
شمعه نهار في ضيا الشمس دايبه

وأرى النصايح في البرايا فضايح
وكم ناصح اضحى له الناس عايبه



* ويقول محمد عبدالله القاضي التميمي:



تكلفك بامر ما يخصك جهالة
وتبعدك عما كان يلزمك له قافي

ولا تصافي كود حيد صميدع
غيور على الصاحب نصوح وميلافي

ولا تلوم النفس في جاري القضا
مالك عن المقسوم يالعبد مكافي

يا شرهل المعروف منك بتواضع
وهل الشر باشرهم بشر وتستافي



* ويقول غازي بن مهنا الشيباني:

ما طار وقع من مطيره ولو حام
والزود مثل النقص ينقص ولو زاد

دنيا تغر الناس في طول الاحلام
ولابد تاصل شرها بين الاجواد

ياماشي بالدرب مسرى ومجهام
لابد من عقب المراويح معواد

احد قضى زامه واحد يمسك الزام
واللي صدر منها يجي غيره اوراد



* كذلك يقول: محمد بن عايض بن هادي الحباني:

من رابع الخايب سكن دوم واياه
لبس الدناسه عقب لبس الجدادي

ومن طاوع الشيطان في دينه اغواه
يصبح غريق بين الامواج غادي

ومن عاشر الطيب ترى الطيب شرواه
وبالطيب يرقى نايفات المبادي

خلك مع الطيب وممشاك ممشاه
ورافق على الربع القروم العوادي

عز الفتى دينه وسلمه ومرباه
وربعه عضوده عند قدح الزنادي

تاقف معه وبقدر الامكان تحماه
لا صار باطراف الحبال انعقادي



* ويقول محمد بن عقيل السويلمي:


اضرب طريق الخير واسلك مسيره
ولا تلتفت للناس عوجاه واقداه

ولو طال عمرك عارف وش مصيره
ازبن ولي العرش واتعب على رضاه

وأد الفروض الاوله والاخيرة
واضف لهن مخافة الله ورجواه


* ويقول حمد بن هادي المسردي القحطاني:


من كثر ماله ساروا الناس برضاه
ولو كان ناقص قالوا الناس وافي

ومن قل ما بيده ترى الناس تشناه
ولو كان يسقيهم عسل قنط صافي

فالمال كم ساس طمان وعلاه
والفقر كم حطم روابع سنافي

لاشك ما للعبد عن حكم مولاه
من خير ولا شر ولا عوافي
__________________
التوقيع
الصالحي غير متصل   رد مع اقتباس
قديم 05-04-2010, 06:48 PM   #2
shefdad
حجازي غير
 
الصورة الرمزية shefdad
 
تاريخ التسجيل: Feb 2008
الدولة: Saudi Arabia
المشاركات: 4,753
معدل تقييم المستوى: 33
shefdad is a splendid one to beholdshefdad is a splendid one to beholdshefdad is a splendid one to beholdshefdad is a splendid one to beholdshefdad is a splendid one to beholdshefdad is a splendid one to beholdshefdad is a splendid one to behold
افتراضي


انت وانا نبعد عن القيل والقال

كم واحدٍ يا ذيب ضره لسانه


أبيات رائعة
نظماً ومعناً
سلسة وواضحة وقوية

الله يعطيك العافية اخي الكريم
وبارك الله فيك


__________________


shefdad غير متصل   رد مع اقتباس
قديم 06-04-2010, 12:19 AM   #3
الصالحي
حجازي غير
 
الصورة الرمزية الصالحي
 
تاريخ التسجيل: Jun 2008
الدولة: في قلب الحجاز
العمر: 48
المشاركات: 1,616
معدل تقييم المستوى: 19
الصالحي is on a distinguished road
افتراضي

اقتباس:
المشاركة الأصلية كتبت بواسطة shefdad مشاهدة المشاركة

انت وانا نبعد عن القيل والقال
كم واحدٍ يا ذيب ضره لسانه


أبيات رائعة
نظماً ومعناً
سلسة وواضحة وقوية

الله يعطيك العافية اخي الكريم
وبارك الله فيك


الله يعافيك اختي الكريمه ولكم الشكر
علي المرور العطر وتحيه طيبه وتقدير
ودمتم بحفظ المولي ورعايته
__________________
التوقيع
الصالحي غير متصل   رد مع اقتباس
قديم 07-04-2010, 02:45 AM   #4
نديمة الشوق
أصدقاء الحجاز
 
الصورة الرمزية نديمة الشوق
 
تاريخ التسجيل: Aug 2008
الدولة: السعودية
المشاركات: 1,406
معدل تقييم المستوى: 18
نديمة الشوق is on a distinguished road
افتراضي

ابيات قمة في الروعة
يعطيك العافية
__________________
نديمة الشوق غير متصل   رد مع اقتباس
قديم 07-04-2010, 08:36 AM   #5
سلك وردة
حجازي غير
 
الصورة الرمزية سلك وردة
 
تاريخ التسجيل: Feb 2010
المشاركات: 117
معدل تقييم المستوى: 15
سلك وردة is on a distinguished road
افتراضي

__________________
سلك وردة غير متصل   رد مع اقتباس
قديم 07-04-2010, 08:38 PM   #6
الصالحي
حجازي غير
 
الصورة الرمزية الصالحي
 
تاريخ التسجيل: Jun 2008
الدولة: في قلب الحجاز
العمر: 48
المشاركات: 1,616
معدل تقييم المستوى: 19
الصالحي is on a distinguished road
افتراضي

اقتباس:
المشاركة الأصلية كتبت بواسطة نديمة الشوق مشاهدة المشاركة
ابيات قمة في الروعة


يعطيك العافية
الله يعافيك من كل شر وسوء
نــــــــديمة الشوق
والاروع هو مروركم العطر
ولكم اطيب التحايا


---------- المشاركة أضيف في 07:38 pm ---------- التعديل الاضافي في 07:34 pm ----------

اقتباس:
المشاركة الأصلية كتبت بواسطة ;212824

سلك وردة
الاروع هو مروركم العطر
ولكم اطيب التحايا
الصالحي غير متصل   رد مع اقتباس
إضافة رد

مواقع النشر (المفضلة)

الكلمات الدليلية (Tags)
أبيات, مجموعه, الحكمه, في, نبطيه

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة

الانتقال السريع


الساعة الآن 01:22 PM


Powered by vBulletin® Version 3.8.7
Copyright ©2000 - 2024, Jelsoft Enterprises Ltd
All Rights Reserved Alhjaz forums © 2006 - 2020