منتديات الحجاز الثقافية  

 


استرجاع كلمة المرور طلب كود تفعيل العضوية تفعيل العضوية
العودة   منتديات الحجاز الثقافية ( ثقافية - تاريخية - أجتماعية ) - alhjaz forums of cultural > منتديات منطقة الحجـاز - Alhjaz Zone Forums > مدن ومحافظات وقرى الحجاز > مكة المكرمة

مكة المكرمة تاريخها - فضلها - آثارها - أخبارها - عادتها - أهلها - ذكرياتها .. إلخ

إضافة رد
 
أدوات الموضوع انواع عرض الموضوع
قديم 27-02-2008, 01:43 PM   #1
وردة المدينة
.:: حجازي برونزي ::.
 
الصورة الرمزية وردة المدينة
 
تاريخ التسجيل: Jun 2007
الدولة: المدينة المنورة
المشاركات: 14,905
معدل تقييم المستوى: 58
وردة المدينة has much to be proud ofوردة المدينة has much to be proud ofوردة المدينة has much to be proud ofوردة المدينة has much to be proud ofوردة المدينة has much to be proud ofوردة المدينة has much to be proud ofوردة المدينة has much to be proud ofوردة المدينة has much to be proud ofوردة المدينة has much to be proud of
047 تراث البيت المكاوي

السلام عليكم ورحمة الله وبركاته

مساء الورد ياحلى ورد


الأثاث في البيت المكي وبطريقة مختلفة

[grade="00008B FF6347 008000 4B0082"]صندوق السيسم
كان زي الدولاب يحطو جوتو حوايج ست البيت وسيدها وبعضهم يخلوه للدهب والمجوهرات
وكان اللي يميزو النقرشة والزخرفة الكتييييرة الموجودة عليه وكان منو مقاسات في الكبير وفي الصغير بس اغلب الناس كانت
تاخد الكبير علشاان يشيل قرمبع زيادة
وبعضهم كان عندو صندوق الكوبر من الحديد برضو نفس الحكاية والهرجة ينحط فيلو العوايز والكركبة الزايدة
واللي ماكان عندو لا دا ولا داك كان يسوي تحت الكرويتة اللي يجلسو عليها زي المستودع ويخزن فيها حرااااج العصر ويرمي الشرشف عليها ويغطيها علشان الناس ماتشوف الكركبة
والله تباتيك اول لها طعم والله يرحم ايام زماااان


السمواار
عبارة عن إناء من نحاس وله محل خاص للماء ..
ومحل خاص للجمر ((أجارانا الله منها ))
ويستعمل لتسخين الماء وغالباً مايكون لعمل الشاهي



الكرويتة
هي ايام زمان كانت زي الكنب والباطرمة هادي الايام
كانت تصنع من الخشب الم**وط الاصلي زي اللوز والزان ولها اشكال قد ايش كترها
شي منها مقعد بس شي منها مقعد ومسند للضهر ( زي الكرسي ) ( واللي عندو ماشاء الله فلوووووس ) يفرش فوقها الحمبل الهندي
والا الكشميري ويحط مساند ويرمي عليها شرك ابيض ( قماش ابيض خفيف زي كوفية الشرك او زي التل حق العروسة )
واللي بدو يزيد عليها ويحط ليانات ومدافع علشان الناس يتكو عليها
واحيانا الناس كانت تسوي تحت الكرويتة اللي يجلسو عليها زي المستودع ويخزن فيها حرااااج العصر ويرمي الشرشف عليها ويغطيها علشان الناس ماتشوف الكركبة
واللي اقدم منها الكرويتة ام الحبال كانت منتشرة في القهاوي والمراكيز الشعبية الى قبل 25 سنة 30 سنة عبارة عن خشب داير مايدور ويتربط عليها الحبال زي الصفوف رايح جي علين يسير متييين ويتحمل القعدة عليها


المرش
آنية تصنع من فضة أو من نحاس ...ويستعمل لرش موية الورد...
مقعر من الأسفل شبه مدور وليه مرش فيه فتحات فراسه..

المفتة
عبارة عن قطعة دائرية كبيرة يجي نص قطرها حوالي 50 سم تقريباً
تصنع من سعف النخيل(( الخوص)) وأحياناً تلون
وتستعمل قديماً كسفرة للأكل ....

الزير
يصنع من الفخار ويستعمل لتبريد المياه وشربها
ويوضع على مرفع ...

المرفع
زي ما تقولو كدا القاعدة اللي بيتسند عليها الزير عشان زي منتوعارفين الزير شكلومن تحت تقريبا زي المثلث المقلوب فلازملو من قاعدةتمسكو ويكون غالبا مصنوع من الحديد ويوضع فوقو ( بعد ما يتعبا بالموية او الزمزم ) مفرش أبيض خفيف وفوقو صفيحةمن حديد وعليها الكاسات التوتوا وغالبا برضو ما اكنت تنحط جمب الطاقة أو اي مكان مرده هوا عشان تتبرد الموية


المرود
هو عبارة عن قطعة معدنية رقيقة زي الإبرة وليه مقبض ..يجي طولها حوالي 10 سم وتحلى قبضته بالأحجار الكريمة زي ياقوت إلخ...
وأحيانا يكون مصنوع من فضة أو من ذهب ...ويوضع في المكحلة ويتسعمل لتكحيل العيون


الدقديق والجرارة
الدقديق اللي هيا اللي يتغطى بيها الإنسان اللي هيا
بطانية .. وتكون من صوف ..
بس اللي يميز الدقديق عن البطانية انو الدقديق تقييييل ومتييين وما يحس بالبرد اللي يتغطى بو
الجرارة هادي الليانة او الطراحة ولا يروح بالكم ( السبة )او ( الشتيمة )
وسموها جرارة علشان تنجر من مكان لمكان من الديوان للسقيفة للخارجة وعلشانها خفيفة الوزن يسموها جرارة

النصبة
النصبة هي عبارة عن طاولة خشبية بإرتفاع 25 سم وبطول100 إلى 150سم وبعرض 60 إلى 80 سم وهذه الطاولة يوضع عليها السماور وأدوات الشاهي وتبسى الفناجيل وجميع مايلزم من أدوات الشاهي والقهوه ،
هذا مايسمى بالنصبة لأنهم نصبوا أدوات الشاهى على الطاولة وهذه لاتوضح إلا في سهرات الحريم وتجلس خلفها التى تقوم بإعداد الشاهى والقهوة ،
وهناك نصبة أخرى هي التي تنصب في الشارع عندما يكون هناك احتفال بعقد قران أو إحتفال بمناسبة أو في قطعة أرض فتوضع السجاجيد على الجدار ( من باب الزينة ) وتصف الكراسي والكنب بشكل دائري أو مربع حسب إتساع الشارع أو قطعة الآرض لجلوس المعازيم،

البابور
زي الكانون بشكل دائري ليه نصفين النصف السفلي لنزول الرماد فيه وليه باب صغير لتنظيفه
والنصف العلوي مكشوف وليه تلاتة ادان اللي ينحط فوقها القدر وليه اربعة ارجل وليه باب محل ما يحط الجمر (((أجارنا الله)))وهدا موجود في القسم السفلي
وليه ايادي ولا ادان اتنين جانبية يمسكوه بيها لمن يبغو ينظفو من الرماد ....وليه حديدة مخرقة عشان لمن يحطو الجمر يقوم الرماد ينزل ومايطفي الجمرة من خلال الثقوب هدي ...
وإجتهاد ليس إلا...
المحماس

المحماس
يعني يمكن من اسمو يبين
زي الطاوة مفرطح لو يد طويلة يتم تحميص البن حق القهوة
وبعض الناس يحمو العيش فوقو علشان ماينحرق

السقيفة
( هي استقطاع جزء من سقف المطبخ او في غرفة عشان يخزنووووووووو فيه ( طبعا مو يخزنو قااات ) لأ يخزنوووووو العفووووووووووووشة الزايدة والقرنبعاااااااااات 0) وكانو يحطو عليها ستارة عشان لايبااااان المستخبي 0

طبعا واضح من اسمها انها جيييييييية من سقف ؟ والسقيفة كانت تتعمل بالخشب 0 يعني يسير السقف ( سقفين ) ؟؟؟
برضومن اسمها اللي هوا السقف
وكان زمان السقف تلاقيه خشب على شكل عواميد متراصة بشكل متوازي ومدي منظر جميل للغرفة

السقيفة ما تطيح الا عالضعيفة ههههههههههههه0

البكرج
الا هو زي حكاية البراد كبيييير وطويل شوية يسوو فيه الشاهي بحليب شي رجج اديك فنجان تدفي نفسك يا عصام

بنت المنقل
الا هو الكانون حق الفحم بس كبييير شويتين ومطاول

الطيرما
هدي غرفة صغيرة في السطوح
يحطو فيها الطراريح والدقاديق والفراش ويبعدوهم عن الشمس والمطرة والغبار

القاعة ...
القاعة الغرفة الكبيرة زي المجلس يتلمو فيها الناس


الدقيسي
عبارة عن مكان موجود مابين الدور الأول والدور التاني مكان ينجلس فيه احياناً..
وبرضو يقولولو الدهليز

الصقرق
الصقرق الا هو المبخرة وناس يقولولها المجمرة كانت كبيييرة شوية علشان الفحم
مو زي دحين مباخر بالكهربا ومقاسات صغيييرة وكبييييرة

المشخص
قطعة حديد صغيرة او نحاس او صفرة مكتوب عليها ايات الكرسي فيلها مشبك وتنشبك على الكوفلة
من تباتيك زمااااان كانو يحطوها للبزورة يقلك علشان يرد العين بعد مشيئة الرحمن
وكانو كمااان يكتبو بالقلم على جبين النونو( الله) بقلم الكحل
ويلفو جبين الولد بالعصابة علشان جبهة البزرة ماتسير عريضة وتبور على برا
اما الكوفلة كانو يلفو البزورة بيها علشان لسع عضامهم لينة ومع لف الكوفلة تستعدل العضام ومايطلعو البزورة مفرشخين
وبرضو علشان يكنو ويهجدو في وحدة وصلة .. [/grade]


منقول

وردة المدينة
وردة المدينة غير متصل   رد مع اقتباس
قديم 01-03-2008, 06:14 AM   #2
المسافر
+:: نائب المؤسس ::+
**:: أبو عبدالله ::**
 
الصورة الرمزية المسافر
 
تاريخ التسجيل: Dec 2006
الدولة: المدينة المنورة
المشاركات: 3,593
معدل تقييم المستوى: 200
المسافر is on a distinguished road
افتراضي رد: تراث البيت المكاوي

اسماء تستعمل كذلك في اغلب مناطق الحجاز


مشكورة وردة المدينة


على الطرح
__________________
المسافر غير متصل   رد مع اقتباس
قديم 02-03-2008, 08:38 PM   #3
وردة المدينة
.:: حجازي برونزي ::.
 
الصورة الرمزية وردة المدينة
 
تاريخ التسجيل: Jun 2007
الدولة: المدينة المنورة
المشاركات: 14,905
معدل تقييم المستوى: 58
وردة المدينة has much to be proud ofوردة المدينة has much to be proud ofوردة المدينة has much to be proud ofوردة المدينة has much to be proud ofوردة المدينة has much to be proud ofوردة المدينة has much to be proud ofوردة المدينة has much to be proud ofوردة المدينة has much to be proud ofوردة المدينة has much to be proud of
افتراضي رد: تراث البيت المكاوي

السلام عليكم ورحمة الله وبركاته

ياهلا بااستاذي الفاضل المسافر منورنا
الله يعطيك الف عافية ويسعدك ربي اخويه وتسلم واشكرك ياسيدي على المرور الروعه بروعتك والمشاركة بموضوعي
ربي يحفظك ويحميك ويبارك فيك
وجودكم منور صفحتي ويسعدني

وردة المدينة
__________________






لا تتخيل كل الناس ملائكة ..فتنهار احلامك..ولاتجعل ثقتك بالناس عمياء
لانك ستبكي ذات يوم على سذاجتك..
وردة المدينة غير متصل   رد مع اقتباس
قديم 04-03-2008, 07:19 PM   #4
مديني مغترب
أصدقاء الحجاز
 
الصورة الرمزية مديني مغترب
 
تاريخ التسجيل: May 2007
الدولة: مغترب
المشاركات: 129
معدل تقييم المستوى: 17
مديني مغترب is on a distinguished road
افتراضي رد: تراث البيت المكاوي

يعطيكي الف عافيه أختي وردة المدينة على مجهودك و روائعك الجميلة
تحيه طيبه مني لكي
أخوكم / مديني مغترب
__________________
[frame="7 50"]يا أهل طيبة طاب العيش بينكم جاورتمُ خير مبعوث إلى الأمم
عاينتمً جنة الفردوس من كثب في مهبط الوحي والآيات والحِكم
لنتركن لها الأوطـان خاليـة ونسـلكن لها البيـداء في الظلم[/frame]
مديني مغترب غير متصل   رد مع اقتباس
قديم 11-03-2008, 07:37 PM   #5
وردة المدينة
.:: حجازي برونزي ::.
 
الصورة الرمزية وردة المدينة
 
تاريخ التسجيل: Jun 2007
الدولة: المدينة المنورة
المشاركات: 14,905
معدل تقييم المستوى: 58
وردة المدينة has much to be proud ofوردة المدينة has much to be proud ofوردة المدينة has much to be proud ofوردة المدينة has much to be proud ofوردة المدينة has much to be proud ofوردة المدينة has much to be proud ofوردة المدينة has much to be proud ofوردة المدينة has much to be proud ofوردة المدينة has much to be proud of
افتراضي رد: تراث البيت المكاوي

السلام عليكم ورحمة الله وبركاته

ياهلا والله بااستاذي الفاضل مديني مغترب منورنا الروعه والجمال بمرورك المميز والحلو
الله يعطيك الف عافية ويسعدك ربي اخويه وتسلم واشكرك ياسيدي انا على المرور الروعه بروعتك والمشاركة بموضوعي
ربي يحفظك ويحميك ويبارك فيك
وجودك منور صفحتي ويسعدني

وردة المدينة
__________________






لا تتخيل كل الناس ملائكة ..فتنهار احلامك..ولاتجعل ثقتك بالناس عمياء
لانك ستبكي ذات يوم على سذاجتك..
وردة المدينة غير متصل   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة

الانتقال السريع


الساعة الآن 02:44 AM


Powered by vBulletin® Version 3.8.7
Copyright ©2000 - 2024, Jelsoft Enterprises Ltd
All Rights Reserved Alhjaz forums © 2006 - 2020