شمر

[عبدالله بن محمد]

قصيدة / ناصر القحطاني :

الـشـمـس غـابــت وكـــل ٍ دوّر ســراجــه .. والـشـوق جـمّـر مـحـرّ الـشـوق لاجـمّــر
دام اتـجـاهـك شـمــال مـودعــك حــاجــه .. سـلّـم عـلـى حـايـل وسـلّـم عـلــى شـمّــر
قـدامـك الـخـافـق الـلــي يـنـشـد عـلاجــه .. كـنــه مـعـلّـق عـلــى بـــرزان ومـسـمّــر
وأنـت تعـرف يـا بـعـد حـيـي مــن تـواجـه .. بيـضـان الأفـعـال لامـــن الـزمــن سـمّــر
إن ضاقوا أعنف من البحر ومن أمواجه .. وان راقـو أركـد مـن الخـرمـان لا عـمّـر
وكـــم حـاتـمـي ٍ تـكـفـيّ فـلــت احـجـاجــه .. وش لون للضيف لو عن ساعده شمّـر ؟
وان مــــر تـاريـخـهـم مـتـلـبـس ٍ تــاجـــه .. كــم عـاشـق ٍ كـيّـف وكــم حـاسـد ٍ زمّـــر
في جـو ٍ أغلـى علـى الرجلـي الـى داجـه .. مـن ديـرة الـسـادس ومــن ديــرة معـمّـر

..

و رد عليه الشاعر / احمد الجريفاني :

هـلا بشهـمٍ صـدق فـي رسـم منهاجـه .. هــلا بمنـهـو تمـثّـل فــي جـبـل شـمّــر
هــلا بـمـن تعـجـز القيـفـان لـحـراجـه .. ومـن حقـه إنـه علـى القيـفـان يتـأمّـر
وصــل سـلامـك ولا يـحـتـاج ديـبـاجـه .. عـمّـرت صــرح الـغـلا ياعـلّـك تعـمّـر
نـظـمـت عـــذرا تـهـبّـل فـــي تغـنّـاجـه .. لو حاول احـدن يجـاري حسنهـا قصّـر
ياميـر الاشعـار يـامـن يحـسـده تـاجـه .. اعــذر محاكـيـك بالقيـفـان لـــو كـــرّر
لو يمـرض الجـود نـادوا فيـك لعلاجـه .. تعطـى البشـاره لمـن فـي جيتـك بشّـر
لو يظلم الكـون نـورك يجلـب افراجـه .. ماعـاشـرك فــي حيـاتـك حــي ويـكـدّر
يشهد لك ا لليـل لامـن ضـوت ابراجـه .. ويشهـد لـك الحبـر والاقــلام والدفـتّـر
والطيب يشهد لك انـك صـرت هداجـه .. نعـم المراجـل ونعـم الاصـل والمخبـر
قحـطـان كـنـه محـيـطٍ تلـطـم امـواجـه .. طوفـان عـارم ليامـن الـهـوى زمـجـر
ولامن هدا الموج يهدي غالي انتاجـه .. الــدر والـلــول والـمـرجـان والعـنـبـر
مـا رامهـم طامـع إلا يـرجـع ادراجــه .. اللـيـث مايـنـقـرب خـــصٍ لـيــا كـشّــر
نـبـراس عــزٍ يـسـرك فـــي تـوهّـاجـه .. من خلقت الكون حتى ساعة المحشر
يامـن نظمـت البيـوت وقمـت بخراجـه .. عسـى حياتـك سهـود ولايجيـك الـشّـر
منت الذي يحسـب بيوتـه علـى حاجـه .. حنّـا هلـك والجبـل فــي مثلـكـم يفـخـر
ولا غابت الشمس محدن دور سراجه .. نور القحاطين ساطـع فـي جبـل شمّـر



من أفضل ما سمعت و قرأت ..

[شمس المدينة]

الله يديك العافية على هذا المجهود الطيب وفعلا شى جميل جدا ......
تقبل مروري

[بنت الزمان]

ماقيل ويقول شئ جميل عن شمر
اختيار موفق ماشاء الله
تسلم اخي مع الشكر والتقدير

[عبدالله بن محمد]

شمس المدينة و بنت الزمان

أشكركم على مروركم وردودكم ..

تحياتي لكم ولتفاعلكم ..

[هيفونه]

اختيار جميل..سلِمت شاعرنا..
موفق ي رب..


..محبتكم..
..هيفونه..

[عبدالله بن محمد]

المشاركة الأصلية كتبت بواسطة هيفونه

اختيار جميل..سلِمت شاعرنا..

موفق ي رب..


..محبتكم..

..هيفونه..

الله يسلمك اختي واشكرك على المرور ..

تحياتي لكي ..