|
الوناسة والفرفشة والضحك نكت ضحك مرح مسابقات ألعاب ألغاز تسالي مزح فرفشه ترفيه طرائف مزح و التعليق و الدعابه لكل التماسيح و السحالي والتحدي بينهم و بدون زعل |
|
أدوات الموضوع | انواع عرض الموضوع |
11-06-2008, 04:11 PM | #1 |
حجازي غير
تاريخ التسجيل: Sep 2007
الدولة: مدينه رسول الله صلى الله عليه وسلم
العمر: 43
المشاركات: 307
معدل تقييم المستوى: 17 |
مين تحب أكثر .. مراتك ...... ولا...... شغلك ؟؟؟
كل نساء العالم يتهمن أزواجهن بأنهم يحبوا الشغل أكثر منهم ..
وأنا أصالة عن نفسي ونيابة عن الرجال أعترف بأن هذا صحيح .......... صحيح ...... صحيح ليه.... ؟؟؟؟؟؟؟ أولا ......... الشغل بيصرف عليّ .... لكن مراتي أنا اللي أصرف عليها !!! ثانيا ....... في الشغل ممكن ترفع صوتك وتزعق .. و زعيقك أحياناً يجيب نتيجة ... لكن مع مراتك صعب تزعق براحتك .. ومهما زعقت مش هيجيب نتيجة ... ثالثا ....... ممكن تزوغ من الشغل من غير ما حد ياخد باله ... أو تخلي حد من الزملاء يغطيك إنما تزوغ من مراتك .. هيهات .. إنسى … رابعا ........ في الشغل عندك مدير ممكن ترضيه لو اشتغلت كويس .... إنما مراتك .. لو عملت قرد .. حمار .. أي حاجة مش ممكن ترضيها !!! خامسا....... في الشغل من حقك تاخد إجازة ... عندك عارض أواعتيادي .. دا غير الخميس والجمعة .... والعطلات الرسمية ..... بصراحة الشغل خفيف ع القلب .... إنما مع مراتك ... مش ممكن تاخد إجازة .... بالعكس دانت لازم تلزق فيها يوم إجازتك و إلاّ يبقى نهار أهلك مالوش ملامح ..... سادساً ...... في الشغل ممكن تترقى و تاخد منصب .... ويبقى لك مكتب لوحدك ... و مراسل ... وسكرتيرة خاصة .. والكل يضرب لك تعظيم سلام .... لكن في البيت ح تعيش زوج وتموت زوج ...... واللقب الوحيد اللي ممكن تاخده لما تنادى عليك مراتك وتقولك .... يا بوالعيال .... أو ...... يا حاج ..... ولما تعجز تقولك ..... يا بركة .. سابعا ..... الشغل لو زهقت منه ممكن تسيبه بدون مشاكل وبسهولة .... إنما مع مراتك......لو روحك طلعت ..... لازم تحط في بقك كوتش وتفكر مليون مرة ... في المحاكم والمؤخر والنفقة.. والعيال .. ثامنا ........ الشغل لو سبته .. أو بلغت سن المعاش بتاخذ مكافأة كبيرة.... ومعاش ... وحفلة تكريم ... أما مراتك لو سبتها قبل ما تموت ... أنت اللي ح تدفع مكافأة ومؤخر ونفقة ...... وشقه كمان ....... وتتحبس لو ما دفعتش . تاسعا....... ممكن تغير شغلك وتتنقل لغيره لو لقيت شغل أحسن منه ...... في حين انك طوووول الوقت بتشوف بنات أحلى ميت مرة من مراتك بس ماتقدرش تغيرها ..... عاشراً ..... في الشغل متأمن عليك عشان لو حصل لك حاجة ...... ولو حصل لك حاجة ... مراتك هي اللي هاتقبض التأمين في النهاية ... بتحب مين أكتر ... مراتك ولاّ شغلك ؟؟ أكيد مراتك ... أحسن يوقع الإيميل ده في إيدها ... تبقى مصيبة !! |
مواقع النشر (المفضلة) |
الكلمات الدليلية (Tags) |
......, مراتك, أكثر, شغلك, ولا...... |
أدوات الموضوع | |
انواع عرض الموضوع | |
|
|